سمعنا قبل فتره عن واحد مركب وندوز 95 على الايفون ماله

 

وبعد البحث والتحري حصلته

ومعاه بعد وندوز 3.11

كل الي تحتاجه لأستعماله هو السيديا

وعلى فكرة البرنامج احسن شي يشتغل بالايفون ثري جي اس

وبالثري جي بطيء

وبشرحلكم الطريقة من البداية الى النهاية

بالبداية نختار السيديا

 

 

 

بعدين نختار manage

 

 

ووراها نختار Source

 

 

ونضغط Edit

 

بعدين Add

 

وبعدها ندخل هذا السورس

 

http://xSellize.com/Cydia/Fai9alme-iPhone

وبعدها ننطر لين يتم تسجيل السورس بالسيديا

 

 

لما يتسجل السورس نرجع ونختار اسمه xSellize

 

 

بعد ماندخل على السورس ننزل الى حرف الW

 

ونختار البرنامج اسمه Windoze for iPhone

 

 

بعدها نضغط install

بعدين confirm

وحجم الوندوز 35 ميغا

 

 

بعد ماينزل

تطلع وتسوي ريبوت

(تطفي الجهاز وتشغله)

ولما يشتغل تختار الايقونه مالته واسمها Bochs

 

 

وبعدين تختار اي وندوز تبي وبس :)

 

 

 

واهني الفيديو مال الوندوز على الايفون

 

وان شاء الله يكون الشرح كافي

واخيرا بعد طول انتظار

اصدر الـDev-Team

الUltraSn0w

وحسب ماقال موقع الديف تيم

ان الانلوك جاهز ونقدر انزله من الCydia

كل الي عليكم انكم تسوونه

1- تنزلون الفريموير الجديد 3.0

2- عمل جيلبريك باستخدام الRedSn0w

للويندوز

او الـPwnageTool للماك

3-اضافة السورس

repo666.ultrasn0w.com 

بالسيديا او iCy

4- تنزيل الالترا سنو بالجهاز

5- عمل Reboot

 

وبس :>

اختراع جديد بالجيش الاسرائيلي

حيه الكترونية تستخدم في وقت الحروب بساحة المعركة وفي وقت الكوارث الطبيعية مثل الانقاض

هاذي الحية تزحف على الارض,

وتتحرك بالانقاض,

وتوقف منتصبة عشان المتحكم بالحيه يقدر يشوف اوضح

الجيش الاسرائيلي بيستخدمها استخدام روتيني للمراقبة,

والحية فيها كاميرا تنقل الصوت والصورة للمراقبة

وعلى كلام جريدة Jerusalem Post

الحيه يقدرون يستخدمونها كأداة تفجير

على قولتهم الثعبان الانتحاري :S

وهذا فيديو لهذي الحية :

بعد الـWWDC

عرفنا ان اغلب الاشاعات الي سمعناها مو صحيحه

ومنهم الصور الي حطيتها بالبوست السابق

شكثر ناس كانوا متوقعين اعلان عن ايفون جديد بالشكل والموصفات

بس طلع ان شكل الجهاز نفسه لكن باختلاف بالمواصفات

هاذي تحسب لشركة ابل نقطة ايجابيه ونقطه سلبيه

النقطه الايجابية:

ان في ناس ودها تشتري اجهزة الايفون لكن متخوفه ان بعد فترة يتغير الجهاز

وانا اعرف كذا واحد ودهم يشترون الايفون لكن مترددين عشان هالشغله

يقولون انا الحين اشتري الايفون بعد جم شهر يتغير الجهاز

صحيح ان بعض محبين الايفون صابهم خيبة امل بعدم تغير شكل الايفون

لكن خير ماعملت ابل.

النقطة السلبيه:

الى الان لم يتم تعديل بعض النقوصات بالايفون مثل البلوتوث

واللي يحتاجه لازم يسوي جيلبريك..

——–

الايفون الجديد صار اسمه

iPhone 3GS

والـS

معناها Speed

واللي ماشاف مواصفات الايفون الجديد

هذا فيديو فيه بعض المواصفات الجديده

 

يقولون ان هاذي صور الايفون الجديد

ويلاحظ ان من ورى تغيرت البلاستيك

ومن جدام تغير الاطار الكروم وصار اسود,

احتمال يكون هذا ايفون ثري جي مع Case

او الصوره معدله بالـPhotoShop

الى الان اغلب الي نسمعه اشاعات مافي شي اكيد

بس الي متأكدين منه بنسبة

90%

ان الايفون بينزل لونين :

1.  ابيض

2. اسود

والحجم:

1. 32Gb

2. 16Gb

3. 8Gb

4. 4Gb

واحنا بإنتظار اي جديد عن الايفون

برنامج Twinkle

برنامج حلو

نفس طريقة الBBM

لكنه احلى بناحية الشكل والمميزات

من مميزاته انك تقدر تسولف مع الناس الي عندهم البرنامج وقراب يمك

ولك خيارات مثلا

تبي تسولف بس مع ناس بينك وبينهم كيلو

وعندك لي ال1000 كيلو

وتقدر تختار everywhere

وتقدر تضيف مع الكلام صوره

يعني مثلا قاعد تسولف مع احد عن المكان الي انت فيه

تصور المكان وترفع الصوره مع الكلام

والبرنامج يدعم الTwitter

و ال Facebook

وهاذي صور من البرنامج

البرنامج ابلاش وتنزله من الابستور

 

واللي ماعنده حساب بالايتونز ويقدر ينزل برامج مكركه ينزله من اهني

http://www.badongo.com/file/14978660 :>

 

وعلى فكرة المدونه لها شكل غير بالايفون والبلاكبيري ستورم وكذا موبايل تاتش

الي عنده ايفون يدخل فيه على البلوق ويجرب

هاللعبه غير معروفه عالميا و صنعت بنيوزلندا

وموجوده بس ب10 دول بالعالم

فكرتها حلوه وشكلها ممتعه

طبعا مع دوخة الراس

المهم تقريبا قبل سنه راسلتهم اذا اقدر

ادخلها الكويت

ردو علي انهم مايفكرون يفتحون باماكن جديده

اعتقد حزتها ماكانت موجود الا ب5 او 6 دول بس

عاد قبل تقريبا شهر او شهرين بالكثير ردو علي

وقالوا انهم فكروا بالموضوع وقرروا يفتحون بدول جديده

المهم انا شفت الشروط والمبلغ

وان لازم اروحلهم واتدرب وادرب العمال عندهم

فغيرت رايي لوول

المهم انا حبيت اشارككم بهالمشروع واللي عنده القدره ان يفتحه

عليه بالعافيه نبي نشوف مشاريع سياحيه وترفيهيه بالكويت

ملينا من المدينة الترفيهية ههههه

وهذا ملف الاستفسارات والشروط اضغط اهني

 

المهم هذيله جم فيديو للعبه شوفوهم

واهني جاكي شان يتسعملها بفلم له هههههه

هاذي المسرحية ابطالها الجويهل والسلمان :>

الجويهل يتكلم عن اعلانه مال ال500 والسحب

والسلمان ينورنا بغبائه :>

1

2

3

4

5

6

7

8

وسؤال له جائزه قيمة :
جم مره السلمان قال ( اي ) بهذا اللقاء ؟ ههههههه

وبالنهاية اشكر الاخ q8yahoo

لنقله هذا اللقاء عاليوتيوب
www.Youtube.com/q8yahoo

 

طريقك مسدود يا ولدي مسدود

قاطع المنتجات البريطانية لأنها تدعم أمريكا.

قاطع المنتجات الدينامركية عشان الكاريكاتير.

قاطع المنتجات الهولندية عشان الفلم.

قاطع المنتجات الألمانية لأنها جنب الدول السابق ذكرها.

و بالنهاية كل الناس ببعثوا الايمالات لبعض من لاب توب كل البرامج الي فيه أمريكية،

و هم قاعدين في ستاربكس بعد ما اتعشوا في كنتاكي و معاهم “تيك أوي” من

ماكدونلدز.

ثانيا: الصحة:

لا تشرب بيبسي لأنه يحتوي على مواد تنظيف و عصارة خنزير.

لا تشرب ريد بول لأنه يسبب عقم..

لا تستعمل مزيل العرق و لاالشامبو و لا الصابون لأنه يسبب سرطان.

لا تأكل لحم البقر لأنه يسبب جنون البقر.

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكر خضار و لا فواكه لأنها كلها هرمونات

لا تشرب ماء لأنه معالج بالكلور

لا تأكل معلبات لأنها تحتوي على مواد حافظة

لا تشرب عصير طبيعي لأنه يأتي على شكل عصارة مركزة

لا تشرب عصير غير طبيعي لأنه كله ألوان

 

طيب يعني آكل هوا؟!!! ….. لأ طبعا لأنه الهوا ملوث بعوادم السيارات

 و المصانع.

 

 

و اذا خالفت النواهي السابقة كلها، دخلنا على العادات:

لا تشرب ماء بعد الأكل.

لا تنام و لا تمشي و لا تقعد بعد الأكل.

لا تدخن و لا تشرب شاي و لا قهوة بعد الأكل

 

أحسن شي ….

 انك تاكل و تنتحر!!!!!!

لا تخلي الماء في الثلاجة داخل علب بلاستك لأنه مسرطنة

و لا تخلي في زجاج للأنه ممكن ينكسر بدون ما تعرف و تشربه و تموت.

و لا تخلية برة الثلاجة لأنه ممكن يتلوث.

و لا تشرب من الحنفية لأنها مش نظيفة

و لا تشرب مية صحة لأنها معبئة من الحنفية أو مكررة و فيها مواد مسرطنة.

لا تتكلم عالموبايل بدون سماعة عشان الموجات تقتل خلايا المخ

و لا تتكلم عن طريق السماعة عشان الكهربا الساكنة

و لا تتكلم عن طريق البلوتوث عشان الموجات برضو تقتل خلايا المخ.

 

(يعني كل العالم الي عايشين

هالأيام عايشين بدون مخ)

لا تخلي الهوا يدور في السيارة لما تشغل التكييف لأنه يتلوث من التنفس.

و لا تخلي الهوا يجي من بره لأنه ملوث.

لا تعبي بنزين الصبح عشان الكثافة عالية

و لا تعبي في الليل عشان الكثافة واطية

و اشرب خل  عشان يحرق الدهون …. و لا تشرب خل عشان يسبب قرحة

و اطلع في الشمس عشان فيتامين “د” …. و لا تطلع في الشمس عشان الأوزون.

ثالثا: الدين:

ابعث هذا الايميل لجميع من عندك الله يعطيك 25864973 حسنة ….

 (لأنه الي باعث الايميل

مكشوف عنه الحجاب)

 

و يجيلك ايميل مكتوب في أوله قسم انك تبعث الايميل لكل الي تعرفهم و بعدين يتم يذكرك انك أقسمت.

 

(ماسك عليك ممسك)

و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)

و ايميل يقولك أحاديث كاذبة و اذا ما بعثتها فأنت مقصر

و ايميل يقولك “دعاء مرة واحدة في العمر”

 (يعني ادعيه و افجر بالعموم!!!!)

 

و ايميل يقولك “دعاء هز عرش الرحمن”

و ايميل يقولك “دعاء من دعاه حققت له 100 أمنية”

 (مصباح سحري مش دعاء!!!!)

 

و بعدين فتوى الرضاعة

و فتوى تحريم “البوكيمون”

و فتوى تحريم “البلايستيشن”

و أحلا فتوى فيهم ………… فتوى قتل “ميكي ماوس”

 

يعني أحسن حل …. انه الواحد لا ياكل و لا  يشرب و لا يتنفس و لا يتكلم على

التلفون و لا يطلع من البيت و بس يقعد يبعث ايميلات ….

————-

هذا طبعا ايميل وصالني ونقلته

والله صج كل الكلام الي مكتوب صحيح

اظن الكثير منا شاف الهجمات المتوحشه على النائب السابق خالد السلطان

والهجمات هاذي المراد منها تشويه سمعته

انا والله لالي اي علاقه بخالد السلطان لا من قريب ولا من بعيد

ولاني من مؤيدينه ولاني من معارضينه

حتى الرجال ماينزل بدائرتنا

لكن الكلام الي طلع عنه مايرضى عنه انسان

اول شي اتهموه ببيع الخمر في مركز سلطان لبنان

بعدين بيع لحم الخنزير (اجلكم الله) في مركز سلطان ايضاً

قبل لا تصدقون الكلام الي انقال عنه انا بنقلكم قول الله تعالى في قرآنه الكريم :

{يا أيها الذين آمنوا ان جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين}.

فقبل لا تقذفوا الرجل بإدعائاتكم

لازم تعرفون ان مركز سلطان الي في لبنان توهم شارينه

والسوبر ماركت القديم كان متعاقد مع شركة لبيع الخمور واجرت عليها ارفف في السوبر ماركت

ولما شرت شركة مركز سلطان السوبر ماركت كان العقد قائم ولم ينتهي

فما كان من شركة مركز سلطان الا الانتظار الى ان تنتهي عقود تأجير الارفف حتى تزيل الخمور

وموعد الانتهاء في شهر اربعه

والامر الثاني الي لازم تعرفونه ان خالد السلطان ليس الا مساهم في الشركة ويمتلك 9.8% فقط من اسهم الشركة

فلا هو صاحب قرار ولا حتى من مجلس ادارة الشركة

وهو سبق ان بلغ الشركة بإزالة المشروبات والا راح يبيع حصته من الاسهم

وكان الرد من الشركة بان العمل جاري على قدم وساق لازالتها.

واللي نشر هالشائعات اهو ج.ب صاحب الجريدة والقناة والباصات والطيارات

جني مافضحته ههههه

عالعموم الله يكون بعونك يالسلطان على الرويبضة